AningaasanoortarneqUnitsiguk (StopSpillet) - Aningaasanoornermut uerineq (ludomani) pillugu Ikiuisarfik

AningaasanoortarneqUnitsiguk (StopSpillet) tassaavoq Spillemyndighedenip aningaasanoornermut uerineq pillugu ikiuisarfia arlaannaannulluunniit attuumassuteqanngitsoq; ulluinnarni ludomanimik taaneqartartoq. 

Aningaasanoortarnermik ajornartorsiuteqarpit?

- Imaluunniit ajornartorsiuteqartumik nalunngisaqarpit?

Aningaasanoortartutut, qanigisaasutut imaluunniit suliassamut immikkut ilinniarsimasutut siunnersuinerput ilitsersuinerpullu atorsinnaavat. Aningaasanoortarnermi nalorninartumik pissusilersorneq aamma akisussaassuseqartumik aningaasanoortarneq pillugit inummut pineqartumut tulluarsakkanik siunnersuisarpugut, katsorsarneqarnissamullu periarfissanut akeqanngitsunut tunngatillugu ilitsersuisarluta aamma aningaasanoortarneq aqunneqarsinnaajunnaaraangat qanoq iliortoqarsinnaanersoq pillugu. AningaasanoortarneqUnitsiguk-mi sulisut siunnersuisartullu tamarmik paasisimasaliupput nipangiussisussaatitaallutillu sulisarlutik.  

AningaasanoortarneqUnitsiguk ugguuna sianerfigiuk +45 70 22 28 25 imaluunniit uani chatterit StopSpillet.dk

AningaasanoortarneqUnitsiguk ataasinngornermit sisamanngornermut nal. 5.00-17.00 ammasarpoq, tallimanngornermilu nal. 5.00-13.00.

Aamma ataasinngorneq, marlunngorneq sisamanngornerlu nal. 8.00-11.00 uani chatteqatigisinnaavatsigut StopSpillet.dk 

Aningaasanoortartoq, qanigisaasoq imaluunniit suliassamut immikkut ilinniarsimasoq?

Aningaasanoortarnermi nalorninartumik pissusilersorneq aamma aningaasanoornermut uerinermi akeqanngitsumik siunnersorneqarnissamut katsorsarneqarnissamullu neqeroorutit pillugit annertunerusunik atuarniarlutit immikkoortumik qinersigit. 

AningaasanoortartuuvungaQanigisaasuuvungaSuliassamut immikkut ilinniarsimasuuvunga

Paasisaqarnerorusuppit?

Gaming aamma gambling

Gaming (computerikkut pinnguaatit) aamma gambling (aningaasanoorutit) pillugit annertunerusunik atuagaqarit assigiinngissusaallu paasisaqarfiginerullugit. Tassani aamma computerikkut pinnguaatini immikkoortut aningaasanoortarfiusut pillugit atuagaqarnerusinnaavutit sunalu pissutigalugu gaming aamma gambling taama immikkoortikkuminaatsigisinnaasut. 

Gaming aamma gambling pillugit atuagaqarnerugit

Danmarkimi ludomani 

Danmarkimi aningaasanoortarnermik aamma aningaasanoortarnermi ajornartorsiutinik misissuinerit kingullit pillugit amerlanerusunik atuagaqarit aammalu Danmarkimi inuusuttut akornanni aningaasanoortarnermik misissuinerit. Misissuinerit tamarmik Nationale Forsknings- og Analysecenter for Velfærd (VIVE)-mit ingerlanneqarsimapput. 

Danmarkimi ludomani pillugu atuagaqarnerugit