Aningaasanoortartoq

Aningaasanoorpallaartarpit? 

Aningaasanoortarnermik ajornartorsiuteqaruit aningaasanoornissavit pilersaarusiorneranut, aningaasanoorutip ingerlanneranut aningaasaqarnikkullu ajutuunnginnissannut piffissaq nukiillu annertuut atukulasarsinnaassavatit, immaqa annaasimasat utertinniarsaralugit. Taamaalilluni aningaasanoortarneq inuunermi pingaaruteqartunut allanut sunniuteqarnerlussinnaalertarpoq soorlu assersuutigalugo ilinniagaqarnermut, suliffimmut, sunngiffimmi aalluttakkanut minnerunngitsumillu inooqatigiinnikkut attavigisanut.  Aningaasanoornermut uerineq (ludomani) ukiut arlaliusut ingerlanerini annertusiartukkajuttarpoq, ilaannulli sukkanerusarpoq aningaasanoortarnerullu kingunipilui annertusinnaasarput killisissaanatillu.  
Aningaasanoortarnerup nammineq aqussinnaajunnaarnera unitsissinnaajunnaarneralu paasiuminaallunilu akueriuminaassinnaavoq. Aningaasanoortartut amerlasuut aningaasanoortarnertik isertuunniartarpaat immaqalu aamma aningaasarpassuarnik annaasaqarsimanertik salluliuutigisarlugu imminnullu mattuttarlutik. Taamaattumik aningaasanoortarnermik ajornartorsiuteqarneq kisermaakkaanni kiserliornarsinnaallunilu kanngunartutut misinnarsinnaavoq.  

Ilisarnarpa? 

Aningaasanoortarneq aqutsileraangat aningaasanoorneq pillugu isumaliortaatsinnut sunniisarpoq aamma piviusorsiortumik akisussaassuseqartumillu qinersisinnaassutsimut. 
Taamaattumik kukkulluni ima eqqarsalertoqarsinnaasarpoq: 

• eqqukkat annaasaninngarnit amerlanerusarput, eqqaamannissinnaaneq iluarisarsiulertarami annaasallu peertarlugit.  
• immikkut piginnaasaqarsorineq imaluunniit aningaasanooriaaseqarsorineq aningaasanoortarnermik 'ajugaatitsisinnaasumik'. 
• eqqukkat qaqugukkut takkuttarnerat aaqqissuussaavoq paasisinnaasat, naak aningaasanoorutit nalaatsorluinnaraluartut.   
• eqquiniarsarineq sivisusimanngitsoq piffisssamik misigisinnaaneq akornuserneqartarmat.  
• immikkut ittumik pissusilersoraanni imaluunniit 'iluanaartinniutini' eqqaagaanni eqquisoqartarpoq nammineq tupinnartumik piginnaasaqarneq imaluunniit suut allat piginnaasaqarnerat upperineqalersimammata.  

Aningaasanoornerup nalorninartuini qaffasissutsit  

Aningaasanoortarnermik ajornartorsiuteqarnerit qaffasissutsinut pingasunut immikkoortinneqartarput, aningaasanoortartoq aarlerinartorsiorajooq, aningaasanoortartoq ajornartorsiutilik taavalu aningaasanoornermut uerrakoq (ludomani) sakkortunerpaajusoq.  
Sammisaqarfik pillugu ilisimatuutut misissuinerit uparuarpaat aningaasanoornermut uerineq pissutsinut assigiinngitsunut arlaliusunut naleqqiunneqarsinnaasoq, pissutsit inummi namminermi, avatangiisini inuiaqatigiinnilu kiisalu aamma aningaasanoorutini 'suleriaatsit'.  
Aningaasanoorutit pillugit ajornartorsiuteqarnerlutit nalornissutigigukku innersuussutigissavarput AningaasanoortarneqUnitsiguk sianerfigissagit. Tassani aningaasanoortarnerpit qaffasissusia siunnersortitta ilaat paasisimasalik peqatigalugu misilittarsinnaavat.  

Sumi ikiorneqarsinnaavunga? 

Naak ikioqqunneqarneq oqimaassinnaagaluartoq ajornartorsiutigisaq pillugu oqaloqateqarneq assut oqilisaataasinnaavoq. AningaasanoortarneqUnitsiguk-mi aningaasanoortarnerpit aqoqqilernissaa pisariaqartilissagukku ikiussavatsigit. Qanoq inissisimanerit tamaat ataatsimut isigilluarsinnaanerulerlugu ingerlariaqqinnissat eqqarsaatigalugu ajunngitsunik siunnersussavatsigit.  

Katsorsarneqarnissamut neqeroorutit

Danmarkimi arlalinnik katsorsaaveqarpoq aningaasanoornermut uerinermut (ludomani) akeqanngitsumik katsorsarneqarnissamik neqerooruteqartartunik, ilaasa arlaliusut aamma internetsikkut katsorsaaneq neqeroorutigisarpaat.  

Akeqanngitsumik katsorsarneqarnissamut neqeroorutit uani takukkit