Danmarkimi ludomani
Aningaasanoornermut uerineq tassaavoq periarnissap aqunnissaanut akornut pinngitsuuisinnaannginnernut allanut assorsuaq assigeequteqartoq. Ludomani tassaakkajuttarpoq pinngitsuuisinnaannginneq ersinngitsoq, aanngajaarniutinik pinngitsuuisinnaannginnermisut ersittumik timikkut sunniuteqarnera ersinneq ajormat. Aningaasanoornermut uerineq uippakajaarnermut, isumatsassimangaarnermut aamma siooralanermik nappaateqarnernut paarlaanneqarsinnaavoq. Aningaasanik pinnanniarluni aningaasanoorutit pillugit allanik oqaloqateqarnissaq pingaaruteqarpoq, aningaasanoortarneq ajornartorsiutinut patsisaasoq paasineqaqqullugu.
Danmarkimi aningaasanoortarnermik ajornartorsiuteqarneq
Socialforskningsinstitut-ip (VIVE)-p Ludomani pillugu misissuinera kingulleq naapertorlugu (2016) missingiunneqarpoq qallunaat 125.000 aningaasanoortarnermik ajornartorsiuteqartut aamma qallunaat 18 qaangerlugit ukiullit 10.000 aningaasanoornermut uerrakuusut. Misissuinerup takutippaa annermik angutit inuusuttut aningaasanik pinnanniarluni aningaasanoorutinut uerisartut ludomanitullu taaneqartarlutik. Aammattaaq takutippaa aningaasanoornermut uerrakut akornanni inuit inuunerminni siusissukkut aningaasanoortarnermik misilittagaqalersimasut amerlanerusut.
Tamaat uani atuarsinnaavat undersøgelsen af pengespil og spilleproblemer i Danmark på VIVEs hjemmeside her.
Inuusuttut aningaasanillu pinnanniarluni aningaasanoorutit
Socialforskningsinstitut-ip (VIVE)-p inuusuttut akornanni aningaasanik pinnanniarluni aningaasanoorutinik misissuinerata (2016) takutippaa inuusuttut 31.600 missaanniittut aningaasanik pinnanniarluni aningaasanoorutinut tunngatillugu aarlerinartumik pissusilersortuusut, aningaasanoornermullu uerilernissamut navianartumiittutut oqaatigineqarsinnaallutik. Tamatuma saniatigut misissuinerup takutissimavaa aningaasanoortartut pimoorussinerpaat tassaasut angutit inuusuttuaqqat, aningaasanoorutillu aningaasaneerluni iluanaarniutinut ilisap eqquinerullu akornanni piffissaq sivikitsuusoq orniginarnerutittaraat, ass sportsbetting, tassanilu aningaasanoornermut uerilerissamut navianartumiinneq annerulertarluni.
Tamaat uani atuarsinnaavat undersøgelsen af pengespil og spilleproblemer i Danmark på VIVEs hjemmeside her.