Qanigisaasoq

Aningaasanoorpallaartumik nalunngisaqarpit? 

Aningaasanoorutinik nalorninartumik atuisuuneq amerlasuunik kinguneqapilutsitsisinnaavoq aningaasanoortartumuinnaanngitsoq sunniuteqartartunik aammali qanigisaasut akornanni ernumatitsisartunik, tatiginninnginnermik misigititsinerit, mattusimaneq imaluunniit misigissutsitigut oqimaarsarnerit allat pikkunartut. 

Amerlasuutigut qanigisaasut ilaat aningaasanoortartup allatut pissusilersulersimaneranut siulliulluni qisuariartuusarpoq, aningaasanoornermullu uerisimasoq ajornartorsiutaanik ilumoortumik paasisinnissaanut taamalu ikiornissaanut aallarniilluni. 
Oqaloqatigiinnerup qanoq aallarnerneqarsinnaanera pillugu paasisimasalimmik ikiorneqarnissaq isumassarsiatsialaasinnaavoq ajornartorsiup miserratigineranik taamalu aporaannermik kinguneqannginnissaa anguniarlugu. 
AningaasanoortarneqUnitsiguk-mi ernummatigisavit  aningaasanoortarnermik ajornartorsiutaanik qanoq oqaloqatiginnissinnaanerit pillugu siunnersuisinnaavugut. 
 

AningaasanoortarneqUnitsiguk ugguuna sianerfigiuk +45 70 22 28 25 imaluunniit uani chatteqatigitigut StopSpillet.dk.

Aningaasanoornermut uerinermi ilisarnaatit ilisarikkit 

Aningaasanoornernik ajornartorsiuteqarneq assigiinngitsutigut ersiuteqarsinnaasarpoq aningaasanoornerullu oqimaarsartitsineranut qisuariartarneq inummit inummut assigiinneq ajorluni. Taamakkaluartoq pissusilersornikkut ilisarnaatit aningaasanoorutinik ajornartorsiuteqarnermut ersiutaasinnaasunik immikkoortiterinissaq ajornanngilaq, aammalu qangigisaasut ilaata aningaasanoortarnermik ajornartorsiuteqarneranik pasitsaassaqaraanni eqqumaffigineqarsinnaasunik. 

Ilisarnaatit tamakku ilai tassaasinnaapput inuk pineqartoq:

  • puffassimaartoq, uumisuttoq aporaatikujuttarlunilu.
  • eqqarsaatikkut allamiittartoq aningaasanoorutinilli inernernillu assut tiguartisimasarluni.
  • sallusartoq, utoqqatsissutissaqartarlunilu eqqumiitsunik nassuiaateqartartoq.
  • aningaasanik amerlasuunik atuisartoq taamaattorli aningaasaqarnikkut ajornartorsiuteqakkajuttarluni atorniartarlunilu. 
  • neriorsuilussinnartarluni atuarfimmullu suliffimmulluunniit takkunneq ajorluni.
  • eqquisarnini eqqaajumasarpai kisianni annaasimasani naamik.
  • imminnut mattuttartoq, nikallungasarluni suilaaqqutinullu il.il. orniguttarani.
  • sinittarneri allanngortut imaluunniit sinnarluttartoq.
  • uippakajaartutut uniffeqanngitsutullu pissuseqartoq, siooralanermik isumatsassimangaarnermillu ersiuteqarsinnaalluni.

Aningaasanoornermut uerrakoq kisimi ikiortariaava?

Imminut paarigit

Nalinginnaasuuvoq aningaasanoortoq ataatsikkut kamaallugulu pissutsillu pillugit nakalatsisimasarneq. Ernummatit misigissutsillu ajortut kisermaallugit assut oqimaassinnaasarpoq, sininniarnikkut illigisaqarnikkullu ajornartorsiortitsisarluni.  Qanigisaasut amerlasuut aningaasanoortartoq annertuumik akisussaaffigilertutut misigisimasarput, inuunerminni amerlasuunik isertugaateqartarlutik inooqatigiinnikkullu attavinnik amerlasuunit tunuariartulersarlutik.

Aningaasanoornermut uerrakumut qanigisaasumullu aningaasanoortarnerup kingunerisartagai silarsuarilerlugillusooq inuunerilerlugillu peqqinnanngilaq. Taamaammat pissutsit taamaattut qanoq pissanerlugit allanit tapersersorneqarnissaq pitsaasuuvoq.
Qanigisaasutut pingaarpoq naak aningaasanoortarnermik ajornartorsiortooraluarluni aapparisarlu ikiorusukkaluarlugu imminut puigunnginnissaq, namminerlu soqutigisat inissaqartillugit tassuunatigullu ajunngitsunik misigisaqarluni.

Killiliigit

Qanigisaasutut aningaasanoornermut uerrakumut killiliisarneq ajunngilluinnarpoq. Kisianni aamma ikiorusutamut killiliisalerneq assut ajornakusoorsinnaasarpoq, taamaaliornikkullu pissutsit allanngornerat akerlilerneqarnermik kamannermillu kinguneqakkajuttarluni, soorlu aningaasatigut ikiuinissaq killilertaleraanni. 

Imminut ikiornissamut siunnersuutit pitsaasut:

  • Nammineq inuunerit, sulinerit soqutigisatillu salliutikkit.
  • Ajornartorsiutit eqqartortakkit allanillu tapersersorneqarnissat isumagalugu.
  • Aningaasanoortartoq oqarfigiuk aningaasanoornermut uerineq qanoq ilinnut sunniuteqarnersoq.
  • Ernummatitit pillugit aningaasanoortartoq oqaloqatigiuk aamma ikiortissarsiornissaq pillugu.
  • Killiliigit. Sallu, ilaginnaaneq tatiginninnermillu kipisitsineq akuerissanngilatit.
  • Aningaasanoornerup aningaasaqarnikkut kingunerisai tamaasa ataatsimut isiginiakkit, kontinik matusinissaq pisariaqalersinnaavoq.

Ikiorneqarit

AningaasanoortarneqUnitsiguk-mi massakkorpiaq inissisimanerit eqqartorsinnaavarput aamma ikiorneqarnissannut periarfissatit pillugit siunnersorsinnaallutit, aamma annertuallaamik aningaasanoortartoq tapersersorniarlugu ajornartorsiutip aqulernissaanut qanoq iliorsinnaanerlutit. 

AningaasanoortarneqUnitsiguk ugguuna sianerfigiuk +45 70 22 28 25 imaluunniit uani chatteqatigitigut StopSpillet.dk.